As luengas d´Aragón

Publicado: 27/09/2012 22:55 por mestizo en OPINION

Artículo en La Comarca

....

 

Si no estase berdá serba ta arreguirse dica morir. Ixo que femos os aragoneses con a nuestra cultura ye ta pixar gota. O millor ye que muitos (no sé si a mayoría) son contentos dica dizir prou. Contentos perque ya pueden dizir que ganando os suyos (a istas alturas d´o film ya no sé qui son uns u atros) cambean tot e asinas en cuatre añadas.

 

De falordieta fosca e fiera son milenta comentarios pseudozientificos de asoziazions de dreita como o Par, a Facao (ixos ya son de chiste malo) u atrás capezas cachiruleras d´atros tantos lugars d´a franxa oriental d´Aragón. Perén con a escusa d´os pancatalanistas se retrominchan uns con atros e asinas se pierden añadas, patrimonio e sentiu común.

 

A decadencia ye culpa de nusatros, los aragoneses. Perque clamar fragatí, calaceití, ezetra á ro catalán que se i charra en Aragón ye una “gilipollez supina”, que roza o rediculo. Millor dito, lo esbarrinca muito més dillá que cualsiquier puede prexinar u soniar. Ixo ye mesmo me dizieran a yo que en cuentas de charrar castellano charrara “hijarano”. Lo se prexinan bustes. En berdá que no.

 

Ixos topicos milenta begatas ditos a l´aire. Aquí no rispetamos a nuestra cultura. A balura d´a luenga més menazada d´Europa. Aragón ye trilingüe. A ixos que esfienden as “bariedaz d´os lugars” perque creyen de firme que o diaple catalán se´n ba á dentrar en as suyas casas lis dizirba que planten os piez en o solero, que piensen dos begatas e que digan pos como se´n puede fer ta que o nuestro patrimonio lingüistico no s´amorte irremediablemén. A ixos que esfienden o mesmo perque lis intresa politicamén (FACAO, PAR, PP, ezt..) no lis dizirba guaire perque ya sapen lo que fan.

 

Prexinen-se-ne que maitin lis diz que se caye o Pilar de Zaragoza per un inte. Berdá que tot mos chuntárbanos ta que no estase asinas.

 

Dimpués d´o esmelique politico que suposo a Lai de Luengas (mermata per o Psoe, feita 30 añadas tardi, ascape e sin de determinazión…) a istos cachiruleros pretos lis da per rematar a nuestra cultura.

 

A inoranzia ye balien. Agora ni catalán, ni aragonés,  ni bariedaz local ni gaitas. A inoranzia ye o río que mos leba a ra mar. Y de inoranzia en istos puestos sapemos prou.

 

Comentarios  Ir a formulario



No hay comentarios

Añadir un comentario



No será mostrado.