CAMIN DE NINON
Güei á tu te escribo, chiquet diario, dende fa una semana que adibe os días á ra esbenidera sensazión. Chirmans contentos profés. E no sapen cosa. E a vida contina de raso.
Debanta-te-ne. Camina.
Fa os leitos yermos. Desayuna. Troba-te. No fumes pas.
Camina e charra, solamén. Merca (redundanzia). Mos n´imos.
Tornar de nuebas. Chenta. Café. Esporte. Zena. Chuego. Trobar-se.
E a bida contina mesmo chiquez que s´en retonzigan entre lequido. Á ormino
E bi ha días que debantando-te d´o suenio t´en corrucas, fendo mal.
E creyes que gosarerbas pexinar en aquer que i faziés, que deberbas fer, que no i diziés.
Como si a tuya vida ese ta cambear. U pior. Amanixes con muita fambre de chentar chenta d´a tortuga (ixa chenta d´o Doctor WU).
Pero a riseta de Andrea ye tan ampla que tot trafega o suyo sentito, e torna. E besa ras cariñetas de Mario, que quiestar chirmán e mayor, mientres a suya mai, e yo, e dica o bezín dó cobalto, quieren estar e no crexer nunca.
Ta no amortar-se-ne en o país de Siempre Perén. E a tuya tripeta de mai anunzia mans, didos, garrillas… Una almondigueta de vida que ye feto e chenta d´a suya mai e d´a inozenzia d´un pai feito rastrojera.
D´un pai que no lo bi ye, encara. Carrañato con iste mundo que amalbeza martires sin de palmas, ni atributos ni cosa ni res.
(Añada 2011)
Víctor Guíu Aguilar, El Mestizo
1 comentario
Noemi -