Escraches

Publicado: 11/09/2013 09:46 por mestizo en OPINION

Os escraches son una mena de chiqueta reboluzión ziudadana que se´n biste d´as furas ansias de qui esca solidaridá en o mundo neoliberal d´a insolidaridá. Os escraches son collas de "populacho" que quiere beyer esbenideros cuan os presentes se i troban buedos. Os escraches son a millor traza de que os nuestros representantes (asinas lis se plenan as bocazas á os nuestros políticos) beigan o que bale un peine. Perque un concellero d´o lugar, un deputau, un presiden, un secretaire de menestros e menestras, un asesor sin de tetulo sabiu… deberba de saper que os suyos botos, as suyas dizendas diarias, d´a maitín a la nuei, en tien de consecuenzias milentas.

Perque no saper ni per an te´n pega l´airera no quiere dizir que no en tiengas pas de responsabilidá.

Debérbanos de fer escraches en as tabiernas, en as puertas d´as casas d´a billa, en os espectaculos grotescos (prozesións incluyitas) an se´n ban toz istos "perlas" d´a politica local, comarcal, rechional u nazional a fer o fato.

As reboluzións no se´n fan sin biolentar a dengún. Cuan a democrazia tradicional no fa onra ni fa serbir solo que mos queda a pataleta. Os "15 Ms" e atrás falordias son buenas e meten o dido en os güellos d´a realidá. Pero no mos podemos quedar astí. Cuan á os nuestros güelos e á os nuestros país no lis quede guaire de diners, cuan as "faldriqueras" de debaxo d´a tella no en den pa més, allora amenistaremos escraches, letras, cantas, articlos e mesmo autos que millor no escribir-los aquí. Anque no en creigo que guaires me i leyan. Semos cuatre e no mos femos masiau aprezio. Allora, como dizeba, os mesmos de siempre perén mos tornarán a dizir que an creyemos que en bamos, dolens de democrazia e fina incultura, a dizir á dengún o que en tien á fer. Tampó no ye pa tanto. U sí. Prou que sí.

Comentarios  Ir a formulario



No hay comentarios

Añadir un comentario



No será mostrado.