Talmén

Talmén,

me´n pienso tantismas begatas,

plegará un día que i tienga que dizir per qué diaples fue ta Uesca,

ta charrar aragonés,

u estudiar-lo ta amostrar-lo.

 

Talmén,

ixe día,

no me´n calga mas que dixar de chugar a estar presona importan,

escritor de bellas cosas sin de traza ni aprobeito dengún.

 

Talmén,

Manuel y ros chiquez dizirán bel diya esbenidero:

"Iste Bitor puyaba ta Uesca.

Estudeaba ixo que dizeban aragonés:"

 

Talmén,

güe lo i ferba, de nuebas,

ta cayer perén en o mismo cantal.

 

Talmén,

l´unico que fazié ixas tardadas fue meter istas parolas que agora nimbío.

Parolas suabes e sinzeras,

como l´aimor que bos tiengo.

Como iste tozuelo mío,

que i prexina que no soi gran,

ni chicotón,

sino que soi busatros.

 

Y solamén ombre que en quiere ser ombre,

en un mundo de furos mostros.