Curso d´aragonés en Ixar

Dende Outubre d’a añada zaguera e dica Mayo d’ista añada se’n ye fendo en Ixar un curso d’aragonés toz os días sabados mientres dos oras.

 

A lengua aragonesa ye a lengua romanica menos charrada e que, por desidia e desintrés d’os nuestros gubernantes e de muitos ziudadans, en tien más risque de trafegar-se.

 

L’aragonés ye una lengua biba que dende as añadas setanta ha tenito una enanta ta fer-se serbir á os tiempos e fer onra en l’Aragón d’os sieglos XX e XXI.  Manimenos, grazias á o treballo d´asoziazions como o Consello d’a Fabla Aragonesa, Nogara, Ligallo de Fablans e belatros, s’ha conseguito alto u baxo una lengua estandar que premitise por un canto rispetar as trazas dialeutals d’o Alto Aragón, e por atro canto poder treballar d’una traza común cuala aspirazión siga normatibizar-se ofizialmén.

 

As lenguas, como millor s’amparan ye conoxendo-las, leyendo, escribindo e fablando con eras.  L’Aragonés ye un Patrimonio Cultural d’a nuestra tierra (tamién d’o Baxo Aragón), d’o nuestro país.  Como toz os biens inmaterials pertenexe a toz pero ye de dengún.  Como toz os biens inmaterials que han sofriu e sofren d’a innoranzia d’una grandiza parti d’a soziedat (reflexata en a mena politica) o que no s’ampare dende l’alministrazión fa duelo.  Pero as penas nomás se combaten fendo, luitando.  Por ixo femos un poder, umildemén, as chens d’o Curso d’Aragonés en Ixar.

 

O nuestro mayestro ye Bitor Guíu (sozio d’o Consello), e ye amparato por o Centro de Estudios del Bajo Martín (CEBM)  e por o Consello d’a Fabla Aragonesa.

 

Aguardamos que en as añadas beniens continemos con ista marcha e que treballemos ta remontar a nuestra identidad e a nuestra historia.

 

Siñalato:  Manolo Gómez, Sara Clavero, Miguel Barrera, Chabier Esteban, Chesús Gámez, Bitor Guíu.