Europa Bueda

Europa s´estricalla,

rematata sin prenzipiar.

 

Solo enzorrupiata e ansa de dengún morral que camina,

enta borucas sin de enziertes

chipiata a ro punto día,

antis de ros tiempos,

dimpués de ros suenios.

 

Quí en ba con tu agora?

Quí nabiata con ixas banderas d´aireras sin de bufatas rezias?

 

Dengún.

 

O millor dito,

ixos que minchan as tuyas estrelas,

fendo acopio d´os carnuzos que estioron brenda.

 

Dillá,

an estiés,

antis més,

tartamequiarán as luengas amplas,

alabez que en mueren as suyas bozes.