Trobando faina

En os días en os que mos des-comunican os meyos de des-comunicazión que l´ature puya e puya sin que os retalles faigan atra cosa que aduyar á ista puyata, me´n boi de casa de mañana ta beyer si trobo faina.

Fa uns días una siñoreta (d´ixas estiratas) me deziba que bueno, que n´ir á trobar faina a lo menos no cuesta mica.

Güei m´alcordaba yo d´as suyas parolas.

De primeras pagaba en a Caxa (una d´ixas que ya no´n sé como se clama de tantos cambeos que fan) güeito euros pa dreitos d´esamen.

Dimpués plegaba á ra copistería pa fer fotocopias. Dezisais euros, con a encuadernazión incluyita e una ripa de copias de tetulos, cursez de totas trazas que imachinez, antimás de bellos poemas pa nimbiar-los-ne á uno d´ixos concursos.

En trasporte e a mía botura me suposo que son a lo menos zinco euros més. Sumamos también diez euros en correus e dos més pa aparcar.

A la fin, trentaitres euros solo que una mañanada.

A begata benién que me i trobe con esa siñoreta (d´ixas estiratas), no li diré cosa. Millor le nimbiaré una carta dedicata, con poema dentro... e un poquet de carbunco en polbo.